Nga Boldnews.al
Është institucioni kyç që merret me raportet, sugjerimet dhe gjetjet për çdo zgjidhje që bëhen në Shqipëri, por numri dy i OSBE-së ka një qëndrim brilant për këtë çështje.
Në një analizë të dy ditëve më parë, Robert Wilton, zëvendësambasadori i OSBE në Shqipëri, pranoi se ka pasur probleme me shitblerjen e votës, por sipas tij kjo nuk ka ndikuar në rezultatin final.
“Ka patur probleme me shitblerjen e votës: Po! A mund të ndryshonin këto rezultatin e zgjedhjeve: Jo! A është vetëm një subjekt me këto probleme: Jo! Votuesit kanë patur mundësi për të shprehur zgjedhjen e tyre, pasi e kanë vetë në dorë. Ndoshta për dike 50 leke janë mjaftueshëm, por nuk i blen vetëm një subjekt”-tha ai.
Përderisa e deklaron me bindje se votat e vjedhura nuk ndikuan në rezultat, duket se ka informacion të saktë se sa është numri i atyre votave të siguruara nga shitblerja, presioni, apo implikimi i elementëve të krimit në fushatë për pushtetin.
E thënë nga numri dy i “gardianit të zgjedhjeve” Europiane, kjo deklaratë më shumë se e çuditshme ka përkrahjen e atyre personazheve të dukshëm e padukshëm të pushtetit që angazhohen në çdo palë zgjedhje. Përgjithësisht janë individë që njihen si parelinj, të fortë, me “grada shkencore” për vepra të ndryshme penale, por zakonisht janë “doktorantë” në profilin e trafikut të drogës dhe prostitucionit.
Ata janë analistët e vërtetë të zgjedhjeve në Shqipëri dhe me gjuhën e Robertit të OSBE-së flasin edhe tipat si Daku, Niçja, Moni, Bledi Sanijes, Diku Hajdarit e çdo personazh tjetër me nofkë e pa nofkë, i rrahur me vaj e uthull.
Ata nuk bëjnë kërdinë në shitblerjen e votave, nuk synojnë mijëra blerje e presione, por kanë në duar listat dhe shkojnë derë më derë pranë njerëzve në nevojë, duke i instruktuar për të votuar pushtetin.
Me “burrni” e para në dorë, këta janë njerëz të “besës”, mbesin mjeshtra të zgjedhjeve, të japin aq vota sa bëjnë ndryshimin. Kë të drejtë Berto, ndoshta pa dashje, je në një mendje me mjeshtrat që manipulojnë rezultatet e zgjedhjeve.
