Aktori i “Pose” Billy Portner, ishte padyshim personazhi që rrëmbeu të gjithë vëmendjen në ceremoninë e 91-të të çmimeve “Oscar”. I veshur nga stilisti Christian Siriano, aktori mbante veshur një xhaketë të kadiftë me një papion në pjesën e sipërme dhe një fustan të fryrë në stilin e princeshave në pjesën e poshtme.
Edhe pse Billy nuk ishte i nominuar në asnjë kategori fustani i tij që ndërthurte detajet mashkullore me ato femërore u bë menjëherë hit në internet. Aktori nuk e quajti veten një drag queen, por thjesht një burrë që mban veshur një fustan.
Portner shoqërohej nga bashkëshorti i tij, Adam Smith dhe ashtu siç është shprehur edhe më parë, këto shfaqje kanë si qëllim thyerjen e tabuve dhe prototipeve të modës, si dhe për të dhënë mesazhe në mbështetje të transgjinorëve. Aktori ka dhënë vazhdimisht mesazhe të tilla, kryesisht për Shtëpinë e Bardhë, të cilën aktori e kritikon si paragjykuese.
Kujtojmë se Billy Porter tërhoqi vëmendje dhe në Golden Globes, teksa u paraqit i veshur me një kostum, të cilit i kishte vendosur sipër një pelerinë ngjyrë rozë.
