Lulzim Basha, Kryetar i PD-së, ka thirrur në një takim, drejtues të partive opozitare. Mësohet se në këtë takim janë të pranishëm Dashamir Shehi (LZHK), Agron Duka (PAA) Monika Kryemadhi dhe Petrit Vasili nga LSI, Fatmir Mediu nga PR.
Burimet bëjnë të ditur se takimi synon përcaktimin e një strategjie që do të ndjekë opozita e bashkuar, si dhe koordinimin e strukturave partiake për organizimin e protestave.
Gjithashtu mësohet se në takim do të diskutohet edhe mbi qëndrimin dhe koordinimin lidhur me faktorin ndërkombëtar.
Më parë, opozita kishte vendosur që të mos kishte reagime individuale ndaj Ambasadorëve të akredituar në Tiranë, përsa i takon vendimit për dorëzimin e mandateve.
Protesta e rradhës së opozitës do të mbahet më 28 shkurt para Parlamentit, ndërsa pritet të përcaktohet një agjendë protestash në qytete të ndryshme të vendit, deri në zhvillimin e protestës së 16 marsit.
