Gjykata e Tiranës ka pranuar ditën e sotme kërkesën e ish deputetit demokrat, Ervin Salijani, i cili ankimoi zgjatjen e hetimeve në lidhje me çështjen “Babale”.
Mësohet se afati i fundit për të mbyllur çështjen është data 20 Mars.
Disa ditë më parë në një deklaratë për mediat Salijani është shprehur se Prokuroria po zgjat hetimet.
“Prokurori tërësisht politike dhe në shkelje të ligjit, prokurori që vazhdon cështjen nuk ka guxuar të marrë mostrat e zërit të vëllait të ish ministrit Xhafaj, prokurori tjetër që është shtuar është një prokuror që ka lidhje të afërta me drejtuesin e Ministrisë së Brendshme sot, pra një hetim tërësisht politik, nuk ka arsye të zgjaten hetimet, vetëm për të mbajtur tymnajë, ne kemi kërkuar thjesht për të mbajtur në dijeni publikun që vazhdon në fakt një hetim jo për personin që sot është në burg në Itali, por gazetarin dhe ne e kemi denoncuar dhe do vazhdojmë të denoncojmë. Kemi tashmë një vendimmarrje që na con te qytetarët nesër në 10 para kuvendit për gjithë qytetarët”- deklaroi Salianji.
