Gazetari Basir Çollaku i ftuar në “360 Gradë” në Ora News tha brenda javës priten arrestime për dosjen “339” që ka të bëjë me përgjimet për blerjen e votave.
“Sot është e hënë dhe brenda javës kjo dosje e zhurmshme, do kesh arrestime për këtë çështje. Deri në fundjavë. Zakonisht, arrestimet bëhen në fundjavë. Ka filluar kjo histori dhe nuk do të kthehet mbrapsht, pa u ribërë Parlamenti”, tha gazetari Çollaku.
Ai shtoi se kryeministri Edi Rama do t’i shesë të gjithë për të shpëtuar veten.
“Edhe Kukësi, laboratori i heroinës ishte pjesë e kësaj ngjarje. U vra tjetri në Kosovë pasi u la të largohej. Nuk kam ndonjë besim të madh që zonja Prela do bëjë hatanë. Një pjesë maksimale dhe e rëndësishme e këtij materiali ka ardhur nga shërbimet partnere dhe nuk besoj që kuroja e përuljes së prokurorëve, qoftë të pëkohshmes, qoftë të zonjën Prela. Prokurorët e çështjes nuk janë thellësisht të detyruar t’i përulen zonjën Marku. Ajo që është duke bërë Rama është të shesë sa më shumë, siç bëri me Tahirin. Do shesë Dakon, do shesë Sejdinin, Gjiknurin. Janë të gjithë tek dera e dyqanit për t’u shitur”.
