Mazhoranca dhe opozita duhet të gjejnë zgjidhje përmes dialogut. Është ky apeli i Ambasadorit të Norvegjisë në Shqipëri, Strand Sjaastad, në një kohë kur vendi mund të përballet me një krizë politike, pas dorëzimit të mandateve nga deputetët e opozitës.
Lidhur me këtë vendim të opozitës së bashkuar, ambasadori norvegjez ka mbajtur të njëjtin qëndrim si kolegët e tij të akredituar në Tiranë, duke u shprehu se vendi i opozitës është në Kuvend.
Por sipas diplomatit norvegjez, qeveria dhe opozita duhet të gjejnë zgjidhje për krizën politike para qershorit, kohë kur pritet vendimin për hapjen ose jo të negociatave mes Shqipërisë dhe BE-së.
