Partizani është në vend të parë dhe është shkëputur 10 pikë nga vendi i dytë që mbahet nga Teuta. Ditën e djeshme ata mposhtën me rezultatin 3-1, Flamurtarin dhe hodhën edhe një hap tjetër drejt titullit kampion.
Por, ajo që ja prishi bukurinë ishte një incident ku disa persona sulmuan fotografin e Flamurtarit.
Në lidhje me këtë kanë reaguar ‘Ultras Guerrils’, tifo grupi i Partizanit që njëkohësisht janë edhe më i madhi sa u përket klubeve shqiptare.
Ata janë distancuar nga akte të tilla, dhe janë shprehur se incidenti ndodhi shumë larg tyre.
“Incidenti i ndodhur ne ndeshjen e djeshme nuk pasqyron sjelljen e pergjithshme te tifozerise se Partizanit. Shkak i ngjarjes u bene disa provokime te cilat gjithsesi nuk e justifikojne kurrsesi sjelljen pasuese nga individe te caktuar.
Akte te tilla nuk i kane hije tifozerise sone, dhe gjithmone mundohemi ti evitojme. Grupimi yne u kujdes qe ai incident te shuhej sa me shpejt edhe pse ndodhi shume larg tribunes tone, gje qe na e beri te pamundur parandalimin.
Ne si tifozeri kemi dhene shembull dhe do vazhdojme te japim shembull duke ju permbajtur kultures sone tifozerike. Nje rast sporadik nuk duhet te perdoret per te etiketuar gjithe tifozerine e Partizanit”, shkruhet në statusin e tyre në Facebook.
