Si pasojë e motit të keq me erëra të forta në formë cikloni që ka vijuar edhe gjatë natës e orëve të para të mëngjesit, në disa zona të vendit, rrjeti elektrik ka pësuar defekte. OSHEE bën me dije se, janë këputur përcjellësa, janë thyer izolatorë apo ka pasur bashkim përcjellësish në linjat e tensionit të mesëm 10/6kV.
Nga informacioni i orës 8.00 të ditës së sotme, më të prekura nga defektet janë rajonet e Shkodrës dhe rajoni i Burrelit.
Ka një përmirësim të gjendjes përsa i përket defekteve në rajonin e Elbasanit.
Rreth 50% e fiderave në këto rajone janë stakuar si masë sigurie për të parandaluar defekte të mundshme në rrjetin shpërndarës.
“Brigadat e avarisë së OSHEE janë në terren dhe po punojnë për riparimin e defekteve dhe rikthimin e normalitetit në furnizimin me energji elektrike”, njofton OSHEE. /BN/
*Lexo edhe: Moti i keq, ARRSH paralajmëron shoferët: Ja rrugët ku duhet të përdorni zinxhirë
