Anësori i Kombëtares Shqiptare, Ermir Lenjani ka konfirmuar edhe sot formën e shkëlqyer që po kalon në Zvicër, pasi ka qenë vendimtar në rezultatin e takimit të sotëm të Sion kundër St.Gallen.
Nga këmbët e mesfushorit kuqezi ka ardhur goli i dytë i Sion, që i dha avantazhin e përkohshëm ekipit në minutën e 55`. Lenjani ndërmerr një aksion të shpejt në drejtim të portës kundërshtare, teksa afër zonës humbet kontrollin e topit.
Ky i fundit përfundon në këmbët e një tjetër shqiptari, Pajtim Kasami, i cili realizon bukur nga brenda zonës. Kështu Sion shkon në 2-1 (pasi takimi ishte 1-1), por miqtë barazojnë sërish në minutën e 64 të sfidës.
Gjithsesi vlen të përmendet momenti i shkëlqyer i Lenjanit, një alternativë plus për kombëtaren në prag të grumbullimit për kualifikueset e Euro 2020.
Në krahun tjetër, Taulant Xhaka ka qenë sërish titullar në fitoren 0-2 të Basel në transfertë kundër Xamax. Mesfushori kuqezi ka bërë një tjetër paraqitje pozitive me ekipin e tij, në marrjen e tre pikëve që e mbajnë në vendin e dytë në renditjen e përgjithshme të kampionatit.
55' | TOR! Kasami trifft erneut und bringt Sion mit 2:1 in Führung! #SIOSG #SFL #RSL pic.twitter.com/xZHVh4ZARY
— Swiss Football League (@News_SFL) February 23, 2019