Temperatura të ulëta, erëra të forta dhe reshje dëbore. Ky është moti që ka përfshirë prej ditës së sotme disa qarqe të vendit.
Reshje të shumta dëbore ka pasur në veri të vendit si në Dibër, kryesisht në zonat malore por edhe në Juglindje, qarku i Korçës.
Mëngjesin e sotëm e gjithë ultësira e rrethit të Krujës është gdhirë nën reshjet e dëborës ku intensiteti i tyre është mjaft i madh.
Reshje të lehta dëbore kanë rënë edhe në Durrës e Tiranë.
Sikundër raportohet nuk ka pasur problem në qarkullimin e automjeteve në akset rrugore.
