Philip Reeker, ish-ambasador i SHBA-së në Shkup emërohet zv.ndihmë sekretar i Departamentit të Shtetit të Shteteve të Bashkuara të Amerikës për çështjet e Eurazisë.
Reeker me një eksperiencë të madhe në çështjet e diplomacisë, kryesisht ato të Ballkanit do të zëvendësojë në këtë detyrë, Wess Mitchell. dhe pritet të marrë detyrën e re në mars.
Philip Reeker ka shërbyer si ambasador në Shkup për periudhën 2008-2011.
Më pas ai ka mbajtur pozicionin e zv.ndihmës Sekretarit amerikan të Shtetit, detyrë që pritet ta ri-marrë në mars të 2019-ës.
Kohë më parë, reeker do të shprehej se “Shtetet e Bashkuara nuk mbështesin asnjë forcë politike apo parti politike. Por ne mbështesim demokracinë, vlerat e demokracisë dhe të institucioneve demokratike, mbështesim një të ardhme më të mirë për të gjithë qytetarët shqiptarë, dhe ajo që ne besojmë se qytetarët e Shqipërisë e meritojnë janë zgjedhje të cilat janë pasqyruese të një vendi anëtar të NATO-s, që pasqyrojnë një kulturë demokratike. Dhe kështu kemi treguar që mbështetja jonë është për Shqipërinë, për vendin, dhe besojmë se të gjithë politikanët, të gjithë udhëheqësit, duhet të vendosin të mirën e vendit, të mirën dhe intersin e qytetarëve të tyre si përparësin e tyre të pare”.
