Gazetari i njohur kosovar, Berat Buzhala, e ka cilësuar sjelljen e kryeministrit Edi Rama në 6 vitet e qeverisjes së tij si sjelljen e një rrugaçi dhe jo të një pushtetari.
Përmes një postimi në Facebook, Buzhala thekson se në këto 6 vite Rama vetëm ka ofenduar dhe sharë pafund kundërshtarët e tij politikë, por edhe mediat të cilët kanë qenë kundër tij.
Ndërsa thekson se Rama është shfaqur i frikësuar ditët e fundit, dhe arsyeja është se në 6 vite ai ka bërë vetëm armiq dhe sot ka mbetur vetëm.
Ja postimi i Buzhalës:
Qe gjashte vjet Edi Rama nuk ka mbete kundershtar politik, por edhe medial, qe nuk e ka ofendu ne menyrat me banale te mundshme. Kazan. Kadri. Tepsi.
Sjellja e Kryeministrit Rama, ne pushtet, ishte e njejte me ate te cdo rrugaçi. Plot gojen peshtyme, sharje dhe fyerje.
Futej ne studio, ne parlament, ne Kishe dhe ne Xhami, jo me idene e pajtimit ne mendje, sic i ka hije nje kryeministri, por me ate te barabes.
Jam i bindur qe Rama kurre nuk e ka pyetur veten: Mos e teprova. Sikur qe jam i bindur qe vazhdimisht e ka pyetur veten: Mos e lash mangut.
Diteve te fundit po e shoh Ramen te frikesuar, e cfare eshte edhe me keq, pa aleat. Sigurisht qe ka arsye. Nese je ne maje te pushtetit qe gjashte vjet, ne nje shtet te varfer si Shqiperia, nuk mjafton edhe nese per cdo dite e ke zene nje mik te ri. Kurse nese per gjashte vjet ke zene vetem armiq, atehere Rama me te vertete ka arsye per t’u frikesuar.
Se a jane Luli e Monika njerezit e duhur, per kete kurre nuk pyesin njerezit e papune dhe te deshpruar. Per kete diskutohet me vone 🙂.
