Kryetari i Partisë Demokratike, Lulzim Basha, nis një tur takimesh me faktorin ndërkombëtar, për të sqaruar pozicionin e opozitës shqiptare dhe aksionit të saj për dorëzimin e mandateve të deputetëve.
Mësohet se Basha do të udhëtojë drejt Vjenës, ku përveç takimeve me zyrtarë të OSBE-së, do të ketë takime edhe me kongresmenë amerikanë.
Ndërkohë mësohet se javën e ardhshme, basha do të udhëtojë drejt Berlinit, ku pritet të ketë takime të rëndësishme me deputetë të CDU/CSU.
Burimet theksojnë se në të gjitha takimet synohet sqarimi i faktorit ndërkombëtar për situatën që po kalon vendin, arsyet që detyruan opozitën të dorëzojë mandatet dhe kërkesën e saj për një qeveri tranzitore që do të mundësonte zgjedhje të parakohshme të lira dhe të ndershme.
