Bashkimi Europian duket se ka moderuar qëndrimin lidhur me situatën politike në Shqipëri.
Pas reagimit të zyrtarëve të Bashkimit Europian që me një gjuhë të ashpër sulmuan opozitën lidhur me dorëzimin e mandateve dhe bojkotin parlamentar, sot Zyra e BE në Tiranë ka mbajtur një qëndrim më të moderuar.
“Presim që qeveria dhe opozita të angazhohen në diskutime konstruktive”, thuhet në reagimin e BE-së për Ora News.
Sipas zyrës së BE, duhen diskutime konstruktive që të kapërcehet situata politike aktuale në të mirë të Shqipërisë dhe qytetarëve të saj.
Kundër dorëzimit të mandateve nga deputetët e opozitës ka reaguar edhe Departamenti amerikan i Shtetit.
