Kryeministri Edi Rama në deklaratën për mediat nuk ka nguruar të sulmojë LSI-në, sot parti në opozitë, dhe për katër vite bashkëqeverisi me Rilindjen.
Rama tha se ata që sot akuzojnë për varfërinë kanë bërë banjo edhe për macet në shtëpitë e tyre dhe sot flasin nga takat e këpucëve firmato për njerëzit e varfër.
Në vijim ai ironizoi kryetaren e LSI që flet për shitje e blerje votash, duke shtuar se për këtë ajo duhet të shkojë e para në ferr.
Në këtë kuadër, Rama solli në vëmendje zarfin me lekë të dhënë në Lezhë për një mandat deputeti, duke shtuar se në atë kohë shpjegimi i dhënë pas vizitës së Presidentit të LSI-së, që bënte thirrje për armatosje të popullsisë, ishte që zarfi është zakon i popullit.
“Kur shoh Monikën që i thërret Zotit që të mbrojë Shqipërinë nga blerësit e votave, them se i Plotfuqishmi nuk merret me zgjedhje, sepse Monika do të ishte e para në listën e personave që do të shkonin në ferr për mëkatin e shitblerjes së votave”, tha Rama.
Në fjalën e tij Rama nuk ka lënë mënjanë sulmet ndaj Zërit të Amerikës, ndërsa tha se u fut në këtë mesin e shit-blerjes së votave duke menduar se shqiptarët janë budallenj.
“Askush nuk e ka mohuar që në Shqipëri nuk ekziston një fenomen i tillë, ka pasur raste kur edhe në zgjedhjet e kaluara u çuan njerëz në Prokurori, por askush nuk flet.
Në fjalën e tij, Rama e cilësoi LSI si “partinë e motrës”, duke shtuar se “nuk ka zbritur nga qielli, bashkë me të dërguarën e Zotit, sikundër nuk kam thënë se kjo gjë mund të ketë ndodhur edhe në emër të PS-së”.
