Të tjera detaje janë zbardhur nga seanca gjyqësore ku pritet të caktohet masa e sigurisë për qytetarët që u arrestuan pas protestës së 16 shkurtit.
Një prej të arrestuarve ka deklaruar në sallë se veprimi i vetëm që ka bërë në protestë ishte ndihma që i kishte dhënë një të moshuari, 76 vjeç, që ishte shtrirë përtokë.
I moshuari ka rënë preh e gazit helmues të hedhur nga pjesëtarë të Gardës së Republikës nga tarraca e Kryeministrisë.
“Une shpëtova një jetë njeriu, një plak 76 vjeç, që ishte shtrirë përtokë. Ky ka qenë veprimi im. Kam shkuar lart, i shpëtova jetën atij prindi, atij 76 vjeçari, këtë veprim kam bërë. E kemi ulur poshtë dhe kam ikur. Kam shpëtuar një jetë njeriu dhe sot unë quhem kriminel”, tha i arrestuari nga policia.
