Deputeti i Lëvizjes Socialiste për Integrim, Lefter Koka deklaroi sot se nuk ka ndërmend të heqë dorë nga mandati i tij. Ai u shpreh se nuk e lëshon mandatin që i kanë dhënë qytetarët durrsak.
Pas këtij vendimi, gazetari Ylli Dylgjeri në një postim në rrjetet sociale ka ironizuar me deputetin.
Dylegjeri shkruan se lefteri nuk ka lidhje me vendim apo disiplinën e parties pasi sipas tij Lefteri manovron.
“Lefter Lefteri në emër të popullit…do të jesh deputet!
Dikur në diktaturë, në një film shqiptar, të Kinostudios “Shqiperia e Re”, kolaboracionisti Lefter Lefteri në emer të popullit mori dënim me vdekje nga atentatori komunist. Lefteri asokohe ishte aktor. Do kaloni vite e vite dhe sot serisht Lefteret jane aktore por ne emer
te popullit do te jene edhe…deputete.
“Nuk kam arsye për të lënë mandatin e deputetit – thotë zoti Lefter Koka! Sigurisht Lefteri nuk ka arsye. Pse të kete? Kryetar Bashkie e më pas Minister me vite nuk janë arsye për tu rebeluar. Lefteri nuk ka lidhje me vendim apo disiplinën e partisë. Lefteri manovron.
Urime Lefter! Ju të tjeret: paçi fatin e Lefterëve!” shkruan Dylgjeri.
