Vendim politik e ka cilësuar nënkryetari i PD-së, Edmond Spaho, atë të gjykatës së Tiranës, ndaj të arrestuarve pas protestës së opozitës më 16 shkurt.
Spaho, në një prononcim për mediat, pas dhënies së vendimit të gjykatës, tha se iu kujtuan gjyqet e kohës së diktaturës.
“Ishte një procces politik, policia dhe prokuroria nuk paraqitën asnjë provë për të treguar akuzat e ngritura. Gjithshka u vendos me një vendim politik”, tha Spaho. Sipas tij, secili prej të arrestuarve ka pohuar se ishte në protest kundër Edi Ramës dhe kërkuan nga gjykata liri për të protestuar sërisht kundër Kryeministrit në protestën e së enjtes.
Spaho i ka bërë thirrje qytetarëve që të marrin pjesë masivisht në këtë protest për të rrëzuar Kryeministrin që urdhëron arrestimin e qytetarëve që protestojnë kundër tij.
Më i ashpër në reagim ishte deputeti Enkelejd Alibeaj, i cili deklaroi se Edi Rama duhet tërhequr zvarrë.
