Kryeministri Edi Rama akuzon opozitën për rrezikun e mos-hapjes së negociatave me Bashkimin Evropian në muajin qershor. Gjatë takimit të zhvilluar në qytetin e Pukës ai akuzoi opozitën edhe për vandalizëm ndaj institucioneve shtetërore e duke u bërë sipas tij gaz i botës.
Besoj se jo vetëm për ata që kanë votuar për ne, por për këdo nëse duan të shohin ajo që sytë tregojnë është fare e qartë. Patjetër që hallet dhe shqetësimet e familjeve në këtë zonë nuk kanë mbaruar e sidomos zona ku jemi është një zonë me bukuri natyrore por edhe me probleme të mëdha,por nëse e shohim Pukën që duam me sytë e djeshmes, kjo që kemi ska krahasim me atë që kishim. Ajo që kishim ishte një ferr!
Ata që shihni ju kanë eksportuar në të gjithë europën imazhe skandaloze të vandalizmit mbi godinën e qeverisë. Janë kthyer në pengesë për hapjen e negociatave. Në një rrugë që është e njohur për të gjithë, sa herë afrohen zgjedhjet ata ia fillojnë këtij avazi sepse nuk fitojnë dot zgjedhjet. Ky është dallimi midis nesh dhe atyre që kanë dalë hapur si pengesë për ecurinë e mëtejshme të vendit tonë në çeljen e negociatave dhe janë kthyer me bojatisës me pahir të një imazhi të papëlqyeshëm për Shqipërinë. Këta janë problemi dhe jo zgjidhja! Nuk do ti fitojnë dot kurrë zgjedhjet sepse do humbin,’ është shprehur Rama.
