Prej disa ditësh mediat online shkruajtën për Alesia Bamin dhe largimin e saj nga “Stop”, programi në të cilin prej disa sezonesh luante rolin e velinës.
Pas një interviste që dha në Top Channel, Alesia u pushua nga puna me një mesazh, e madje më vonë shpjegoi se ajo nuk kishte asnjë kontratë paraprake me emisionin “Stop” që ta pengonte apo frenonte të mos jepte intervista në televizionin konkurrent.
Së fundmi është zbuluar se Alesia do t’i bashkohet programit të së dielës në Top Channel.
Fillimisht u tha se ajo do të drejtonte rubrikën e lotarisë në “E diell” por sot është zbuluar se në fakt ajo do të jetë përkrah moderatorit Flori Gjini.
Flori aktualisht drejton rubrikën “Escape” në “E diell”, e cila i dedikohet kulturave të ndryshme dhe të huajve që jetojnë në Shqipëri duke sjellë çdo javë nga një shtet të ndryshëm.
Në një video të publikuar në Instagram, Flori i thotë Alesias se do të arratisen, do shkojnë të xhirojnë dhe se janë duke përgatitur surprizat për programin e kësaj të diele.
“Po është e vërtetë! Do të jetë e intergruar gjatë “Escape” dhe këtë javë do të sjellim një surprizë shumë të bukur”,- ka treguar moderatori i njohur.
Mesa duket bashkë me Florin ajo do të sjellë në “E diell” kulturën dhe traditat e shteteve të ndryshme, një nga rubrikat më të pëlqyera nga publiku të këtij programi. /Blitz.al
