Lulzim Basha, kryetar i PD-së, zhvilloi një takim 60 minutësh me drejtues të partive aleate, lidhur me vendimin për djegien e mandateve të deputetëve. Në përfundim të takimit, Basha me aleatët e tij, dhanë deklarimet për mediat, ku nuk munguan batutat.
Ishte kreu i LZHK-së, Dashamir Shehi, që në prononcimin e tij u shpreh “sa të jetë Rama kryeministër ne do të jemi bashkë, kur të ikë Rama do e shikojmë këtë punë”.
Kjo batutë e Shehit shkaktoi të qeshura te drejtuesit e partive të opozitës, përfshi këtu edhe Bashën. Ky i fundit i është përgjigjur batutës së Shehit, duke thënë “bashkë do të jemi prapë, pse….”.
