Mediat ndërkombëtare i kanë kushtuar jehonë vendimit të opozitës së bashkuar për djegien e mandatave të deputetëve të saj.
Associated Press në një artikull, që më pas është botuar edhe nga Foxneës dhe media të tjera ndërkombëtare, shkruan se opozita e qendrës së djathtë thotë se ligjvënësit e saj planifikojnë të japin dorëheqjen nga parlamenti lidhur me korrupsionin dhe mungesën e efikasitetit të qeverisë socialiste të vendit.
Kreu i Partisë Demokratike Lulzim Basha tha të hënën se grupi parlamentar vendosi të dorëzojë mandatet e tyre. Basha kërkoi krijimin e një qeverie tranzicioni në vend derisa të mbaheshin zgjedhjet e parakohshme.
Anëtarët e partive më të vogla të opozitës mund të bashkohen me demokratët duke lënë parlamentin shqiptar të 140 vendeve, ku socialistët drejtues mbajnë 74 vende.
Opozita planifikon të mblidhet jashtë parlamentit të enjten.
Basha akuzoi qeverinë për lidhje me krimin e organizuar, vjedhjen e votave, dhe anashkalimin e ligjvënësve dhe sistemin e drejtësisë.
