Deputeti demokrat Enkelejd Alibeaj është shprehur mbrëmjen e sotme se opozita është konsultuar me ndërkombëtarët për vendimin e tyre unanim, djegien e mandateve.
I ftuar në edicionin e lajmeve në Ora Neës, me gazetaren Beti Njuma, Alibeaj theksoi se janë konsultuar me ndërkombëtarët, por mbi të gjitha ata janë konsultuar si me shqiptarët.
‘Jemi konsultuar me ndërkombëtarët por mbi të gjitha jemi konsultuar me shqiptarët. Ne jemi konsultuar me ta në 2014 për dekriminalizimin dhe faleminderit atyre u shkarkuan 330 zyrtarë të lartë’, u shpreh demokrati ndër të tjera.
Kujtojmë se disa nga përfaqësuesit ndërkombëtar kanë dalë kundër vendimit të opozitës për djegien e mandateve, duke thënë se ky vendim pengon integrimin e vendit në Bashkimin Europian.
