Në më pak se 24 orë, policia e Tiranës, ka shoqëruar në komisariate rreth 40 persona, të cilët dyshohet se kanë ushtruar dhunë gjatë protestës së djeshme të organizuar nga opozita.
Burime policore bëjnë të ditur se të shoqëruarit janë kryesisht të rinj, ndërsa ato janë në fazën e ndalimeve dhe jo arrestimeve.
Mësohet se të ndaluarit po verifikohen nga policia, ndërsa grupi hetimor po përball pamjet filmike me deklarimet e bëra nga shtetasit e ndaluar.
Ndalimet nga policia nisën rreth orës 19:00 dhe vijuan edhe në orët e vona të mbërmjes, si dhe gjatë mëngjesit të sotëm.
Mes të ndaluarve është edhe Florenc Hoxha, ish-Drejtor i Policisë Bashkiake, gjatë kohës që Bashkia e Tiranës drejtohej nga Lulzim Basha.
