Prej më shumë se dy orësh forca të Gardës së Republikës po hedhin gazlotsjellës kundër protestuesve në bulevardin Dëshmorët e Kombit.
Hera herës kundër tyre po aplikohet edhe uji me presion, me qëllim shpërndarjen e turmës, e cila duket e vendosur deri në realizimin e kërkesës, largimin e Edi Ramës.
Por, kundrejt formave që po përdorin forcat e sigurisë, disa protestues kanë zgjedhur të qëllojnë me gurë ndaj godinës së Kryeministrisë.
Duket se nga Policia ka një skenar për të tensionuar situatën, e cila mund të precipitonte që në minutat e para të protestës.
Ajo që mund të theksohet është fakti se protestuesit nuk po tentojnë të hyjnë brenda godinës qeveritare, por qëndrojnë në hyrje të saj.
