Kryeministrit Edi Rama nuk i ka dalë ende inati dhe mërzia nga turpërimi që iu bë ditën e sotme në Kuvend, ku deputeti demokrat, Edi Paloka, e leu të gjithin me bojë.
Më herët Rama nxori ministrin e Brendshëm, Sandër Lleshi, i cili për të mbuluar bojën e kryeministrit Rama, nxitoi të kopjojë fjalimin e bërë nga Lulzim Basha, i cili për gjendjen ku është katandisur sot parlamenti shqiptar, i referohej parlamentit maqedonas dy vite më parë.
Po kështu edhe kryeministri Rama pasditen e sotme, përveç fyerjeve dhe gjuhës së rrugës që i ka tijat personale, gjithçka tjetër ishte e njëjtë si postimi i Lleshit i cili kopjoi Bashën.
‘Palo budalla në kuptimin më të plotë të fjalës. sot ishte dita kur gjithë shqiptarët e maqednisë së veriut i kishin sytë te parlamenti shqiptar, por doli i ziu me bojë. sot u bë dita e budallëkut të opozitës’, deklaroi Rama në një komunikim në ERTV.
Ndërkohë që më herë Basha shprehej në Kuvend:
‘Të gjithë i mbajmë mend skenat e shëmtuara në parlamentin e fqinjit tonë, ato nuk ishin thjesht përplasje mes palëve politike, por përplasje midis një qeverie dhe një shteti të kapur në çdo qelizë nga korrupsioni galopant, nga krimi i organizuar, nga rënia e shtetit ligjor dhe zëvendësimi me shtetin e mafias, nga përqendrimi i gjithë pushteteve në një dorë në një taraf që kontrollin qeverinë, parlamentin, shërbimet sekrete, drejtësinë, ekonominë, mediat. Skenari që sapo përshkrova është prapë se prapë shumë më i lehtë se ai ku gjendemi sot dhe ky është morti i dytë”.
