FSHF zgjohet për “teatrin” që u pa në ndeshjen e së shtunës në Kavajë, Besa-Egnatia. Një sfidë që nisi mirë, por në pjesën e dytë u bë shumë qesharake me tolerimin e hapur të lojtarëve rrogozhinas ndaj kavajasve që fituan me rezultatin 3-2.
Vetëm dje, institucioni i futbollit bëri të ditur se ka nisur një hetim në lidhje me ndeshjen Besa-Egnatia.
Konfirmimi
“Sa i përket pyetjes tuaj, nëse do të kalojë në Komisionin e Disiplinës apo atë të Etikës, duhet t’ju informoj se FSHF ka nisur një hetim në lidhje me ndeshjen, Besa-Egnatia, e cila ishte e vlefshme për javën e 16-të të Kategorisë së Parë. Natyra e hetimit është e tillë që duhet të mbetet sekrete deri në momentin që do të merret vendimi përfundimtar”, thuhet të përgjigjen zyrtarë të federatës
