Pasditen e djeshme, një aksident tragjik ndodhi në autostradën Shkup-Tetovë, ku një autobus udhëtarësh ka dalë nga rruga dhe si pasojë humbën jetën 14 persona, 7 prej tyre janë identifikuar ditën e sotme.
Mediat maqedonase bëjnë me dije se 7 personat e identifikuar janë nga qyteti i Gostivarit.
Pjesa më e madhe e personave janë shqiptarë, ndërkohë mes tyre është edhe pedagogia shqiptare në Universitetin e Tetovës, Valdete Hamiti.
Lajmin e hidhur ka dhënë faqja zyrtare e universitetit.
Postimi i Universitetit të Tetovës shkruan:
Një humbje e madhe për UNT-në
Me pikëllim ju informojmë se mes personave që humbën jetën nga përmbysja e autobusit në autostradën Shkup-Tetovë është edhe MSc Valdete Hamiti, asistente në Fakultetin e informatikës.
Kolegët, por sidomos studentët humbën një profesoreshë të shkëlqyer, universiteti një kuadër tepër të çmuar.
NËNA e dy fëmijeve”
