Një 29-vjeçar shqiptar ka humbur jetën pas një përleshje masive në një lokal në Regau ((rrethina Vöcklabruck). Viktima është identifikuar si Besar N. 29 vjeç, shqiptar nga Maqedonia.
Nga të dhënat e para mësohet se një goditje me thikë mund t’i ketë shkaktuar vdekjen 29-vjeçarit.
Viktima ishte i martuar dhe kishte dy fëmijë të vegjël, 8 dhe 4 vjeç, raporton Albinfo.ch.
Policia po punon të sqaroje shkaqet e kësaj vrasje misterioze, që dyshohet se ka ndodhur pas grindjeve familjare. Sipas thashethemeve të ndryshme, në mesin e sulmuesve dyshohet se kanë qenë dy shqiptarë.
Një thikë është gjetur nën një veturë jashtë lokalit, por, dyshohet se ajo nuk është arma me të cilën është kryer krimi. Sipas prokurorit Christian Hubmer, në lojë mund të ketë qenë disa thika. Të dielën, dy prej pjesëmarrësve janë paraburgosur.
Sikurse ka pohuar Ëalid H., pronar i lokalit në fjalë, ai kurrë nuk i kishte parë më parë në restorantin e tij pjesëmarrësit e sherrit.
