Alket Arapaj, punonjësi i Gardës së Republikës, që një ditë më parë ekzekutoi brenda banesësbashkëshorten e tij, 36 vjeçe, ka tentuar vetëvrasjen në ambientet e Drejtorisë së Policisë së Tiranës, ku po qëndron i arrestuar.
44 vjeçari mendohet se ka kryer krimin për shkaqe xhelozie, ndërsa ka shprehur pendesë për krimin, para oficerëve të policisë, kur e kanë marrë në pyetje.
Ai është shfaqur në kushtet e tronditjes së thellë psiqike, ndërsa ka dhënë versione të ndryshme për motivin që e çoi të qëllonte me armën e shërbimit, 36-vjeçaren, që ishte martuar rreth 10 vite më pare, raporton Abcneës.
Të vetmen pendesë që ka shprehur gardisti ka qenë vajza e tij e mitur, duke kërkuar që kujdestarinë e saj ta marrin të afërmit e tij.
Për uniformat blu, xhelozia është pista kryesore e hetimit dhe për këtë gjë do të merren në pyetje edhe familjarët e Ervilma Seferit, 36-vjeçares, që mbeti viktimë.
Pas krimit 44-vjeçari nuk është larguar nga banesa e tij, por ka telefonuar policinë, të cilët bënë edhe arrestimin në kushtet e flagrancës.
Sipas policisë krimi ka ndodhur në momenin kur Alket Arapaj do shkoten të merrte detyrën në Gardën e Republikës. Ai shërbente prej më shumë se 20 vitesh dhe është me arsim të lartë ushtarak me gradën Kapiten.
