Një 24-vjeçar humbi jetën mëngjesin e sotëm si pasojë e një aksidenti automobilistik. Ngjarja ka ndodhur në aksin Elbasan – Metalurgjik, pranë Katundit të Ri, ku 24-vjeçari u përplas nga një automjet.
Drejtuesi i mjetit nuk ka ndaluar për t’i dhënë ndihmë të aksidentuarit duke u larguar nga vendi i ngjarjes.
“Më aksin rrugor Elbasan- Metalurgji, në fshatin Katund i Ri, një mjet i paidentifikuar ka aksidentuar me pasojë vdekje këmbësorin shtetasin G.H., 24 vjeç, banues në Elbasan. Grupi hetimor po punon për identifikimin dhe kapjen e drejtuesit të mjetit”, thuhet në njoftimin e policisë.
