Me kë do ta bëhet marrëveshja për një qeveri tranzitore nëse protesta e opozitës e arrin qëllimin dhe Edi Rama largohet nga pushteti? Ish-kryeministri Sali Berisha është shprehur se do të ketë një marrëveshje mes forcave politike.
I ftuar në studion e “ABC News”, Berisha tha se, opozita nuk kërkon të marrë pushtetin me protestën e 16 shkurtit, por synon vetëm krijimin e një qeverie tranzitore për të garantuar zgjedhje të lira. Kjo, pasi sipas Berishës, me Ramën në pushtet, të cilin e akuzoi për blerje votash, nuk ka zgjedhje të lira e të ndershme.
“Marrëveshje e forcave politike, ne s’jemi për shkrirjen e forcave politike, por kjo nënkupton kurrë me Ramën dhe PS në pushtet. Kjo është jashtë çdo lloj iluzioni. Sot ekzistojnë të gjitha potencialet për një qeveri që do ti kthejë zgjedhjet e lira. Kaq. Pastaj, shqiptarët të votojnë kë të duan. Opozita s’ka synim të marrë pushtetin me forcë. Në asnjë mënyrë”, tha Berisha. /Boldnews.al/
