Ekipi i Real Madrid mbërriti mbrëmjen e së martës në Holandë, në prag të sfidës me Ajax, e projektuar për sot në 21:00 në Amsterdam.
Nata nuk ka qenë e qetë për lojtarët e Santiago Solarit, të cilët janë zgjuar nga zhurma e fishekzjarrëve në orën 02:30. Ishin tifozët e Ajax që kanë shkuar pranë hotelit ku ishte akomoduar skuadra spanjolle, duke shpërthyer fishekzjarre deri në orën 04:00 të mëngjesit.
Punonjësit e hotelit menjëherë lajmëruan policinë, të cilës iu desh 90 minuta për të pastruar zonën.
Siguria e klubit gjithashtu mori pjesë në operacion dhe kapën katër tifozë ultras, të cilët më vonë u arrestuan nga policia.
Në përballjen e sotme të dyja ekipet pritet të startojnë me formacionet më të mira.
Skuadra e Santiago Solarit kërkon të marrë një rezultat pozitiv për tu kualifikuar në çerekfinale të këtij kompeticioni.
Ndërsa në krahun tjetër, Ajax është i pranishëm në këtë fazë të garave për herë të parë që nga sezoni 2005-06.
Ajaxi ka humbur gjashtë ndeshjet e fundit kundër Los Blancos, duke pësuar 20 gola dhe ka shënuar vetëm dy herë.
Formacionet
Ajax: Onana – Blind, De Ligt, Tagliafico, Kristensen – Tadic, Ziyech, De Jong, Van de Beek, Schöne – Huntelaar.
Real Madrid: Courtois – Ramos, Varane, Carvajal, Reguilon – Kroos, Modric, Vazquez, Casemiro – Benzema, Vinicius Junior.
