Personazhet publik shqiptar janë kthyer në një “luftë” me njëri-tjetrin se cili do të jetë “Mbreti” apo “Mbretëresha” e Instagramit për nga followersat. Në shifrën e 1 milion ndjekës kanë arritur disa prej vitit të kaluar, të cilët nuk nguruan ta postonin në profilet e tyre.
Por tashmë vetëm njëra prej tyre ka arritur që të arrijë mes shqiptarëve shifrën e 2 milionë ndjekësve. Dhe doni apo jo ju, ajo është…: Encaaa, e cila ka ndjekës nga çdo cep i globit.
Këngëtarja shqiptare ka 2 milionë persona që e ndjekin në Instagram dhe këtë “gëzim” e ndau me ndjekësit e saj: “Po e gjetët kush është artistja e parë shqiptare me 2 milionë ndjekës?”.
Këngëtarja vazhdoi më pas me një mesazh për të gjithë ata që po e ndjekin tani: “Një ditë unë do të kem 20 milionë ndjekës. Dhe ju që po më ndiqni tani do të mburreni, ‘e njoh atë që kur kishte 2 milionë’. Disa njerëz këtu më kanë njohur dhe më kanë mbështetur që kur kam pasur 50 mijë ndjekës. Faleminderit shumë”.
