Kreu demokrat Lulzim Basha ka nisur një seri takimesh në qytetin e Pogradecit, në kuadër të protestës së 16 shkurtit që do të mbahet në Tiranë.
Gjatë bashkëbisedimit me qytetarë, Basha është ndalur te një tregtar, që përveç pakënaqësisë ndaj qeverisë, ka shprehur mosbesim edhe ndaj opozitës.
Më konkretisht, qytetari ka shprehur shqetësimin lidhur me pronat që ende nuk i janë kthyer.
Bash aka deklaruar se ligjin actual për pronat, opozita e ka çuar në Strasburg, duke shtuar se me ardhjen e opozitës në pushtet, ligji do të anullohet.
Debati
Spartaku: Më thuaj hapur, t’i mbaj dokumentet e pronave që më takojnë e s’mi kanë kthyer apo t’i hedh?! Opozita pse nuk ka folur kaq vite për pronat? Unë jam shumë i dëmtuar, sepse kam 85 dynymë që s’po i marr dot.
Basha: Spartak, arsyeja pse nuk e ke dëgjuar fjalën tonë është se mediat janë të kapura. Ne kemi mbajtur qëndrime të qarta në parlament. Më dëgjo, pastaj më thuaj.
Spartaku: Jo, keni folur aty këtu ndonjë fjalë, por nëse do ta kishit prioritet…
Basha: Më dëgjo çfarë dua të them, më dëgjo, sepse je viktimë e propagandës së qeverisë. Ne jo vetëm kemi protestuar, por e kemi çuar në Strasburg për pronarët. Mos më kërko si opozitë atë që ka detyrë qeveria! Pra, e kemi kundërshtuar tre herë. Të garantoj dhe e kam thënë, ndoshta qëndron kritika jote dhe unë ndaj do ta përsëris, se ligji që ata kanë bërë është rishpronësim.
Spartaku: Të lutem më’u përgjigj, t’i djeg dokumentat apo t’i mbaj?! Sepse nga këta s’kam më shpresë.
Basha: Absolutisht , ta thashë që duhet t’i mbash. Por duhet ta dish që mesazhet e opozitës bien shpesh pre e propagandës së qeverisë. Ky ligj do të anullohet! Hera e tretë që po të them po, mbaji dokumentet. Ne e kemi luftuar këtë ligj dhe ditën kur të na besoni me votë, ne do ta anullojmë këtë ligj. Ndaj ka rëndësi më 16 shkurt, që ta mbyllësh disa orë dyqanin e të jesh ën Tiranë. Se pa çliruar zgjedhjet, nuk ke…Beteja e 16 shkurtit është për t’u rikthyer diçka tjetër shqiptarëve, që ju janë vjedhur pronat, por ju janë vjedhur edhe zgjedhjet.
