Sherr në PS/ Kërkoi largimin e Ramës, Gjylameti i kthehet Dades: Përmbahu Arta, sepse mllefi ndaj Edi Ramës….

Deklaratat e ish-ministres Arta Dade, e cila u shpreh se Edi Rama duhet të largohet nga drejtimi i qeverisë dhe PS-së, kanë sjellë reagimin e Blerina Gjylametit.

Deputetja socialiste shprehet se ndjen “keqardhje” për çfarë deklaron Dade kundër PS, që kur nuk është më ligjvënëse e kësaj partie. “Kështu flasin edhe kundërshtarët e PS që nga Saliu e deri tek Mona… Unë e shumë kolegë të mitë e dimë që ti ske qenë e sdo të jesh kurrë si ata, prandaj përmbahu Arta, sepse mllefi ndaj Edi Ramës nuk është këshilltar i mirë dhe PS sot është në qeveri e vetme në radhë të parë për meritë të tij”, shkruan Gjylameti në një shënim në Facebook.

Statusi i plotë i Gjylametit

E dashur Arta!

Respekt e mirënjohje për çfarë ke dhënë ndër vite për PS dhe keqardhje për çfarë deklaron kundër PS qyshse nuk je më deputete.

LEXO EDHE  Meta apel nga Peza/ Të lemë mënjanë antagonizmin, duhet bashkëpunim. Vepra e Myslym Pezës…

Do thuash ti s’kam folur për PS po për Edi Ramën!

Kështu flasin edhe kundërshtarët e PS që nga Saliu e deri tek Mona…

Unë e shumë kolegë të mitë e dimë që ti ske qenë e sdo të jesh kurrë si ata, prandaj përmbahu Arta, sepse mllefi ndaj Edi Ramës nuk është këshilltar i mirë dhe PS sot është në qeveri e vetme në radhë të parë për meritë të tij .

Pandëshkueshmëria më e madhe, se në kohën e Saliut?

Ah jo, ne gabime kemi bërë patjetër, po as kemi vrarë e as kemi grabitur Shqipërinë!

Nëse ti mendon ndryshe, ke shkuar larg e dashur dhe mbase një kafe me ne të gjitha është koha që ta pish.

Përqafime, Blerina.

Ish-ministrja socialiste: Rama duhet të largohet, socialistët të formojnë …