Shkëlzen Berisha ka reaguar përmes një postimi në rrjet ndaj kreut të Grupit Parlamentar socialist, Taulant Balla. Berisha reagoi pasi Balla më parë shkruante në rrjetin social, se djali i ish-Kryeministrit nuk mund të udhëtonte drejt SHBA.
Por Shkëlzen Berisha i përgjigjet se udhëton si njeri i lirë në gjithë botën dhe paralajmëron Taulant Ballën, se bën mirë që të shpjegojë shpejt dhe vetë, se si i paguajnë trafikantët udhëtimet dhe hotelet në shkëmbim të miliona euro përfitime, nga taksat e shqiptarëve.
Reagimi i plotë i Shkëlzen Berishës
Tualet! Unë në SHBA dhe BE pavarësisht gojëve të liga që ulen mbi ty, udhëtoj si njeri i lirë, i pa shoqëruar nga trafikantë droge, të cilët me pas shpërblehen me miliona euro nga taksat e shqiptarëve.
Por meqë vendose të hapesh kapakun, bën mirë të na shpjegosh nëse trafikantët e drogës, të kanë dhënë thjesht shoqërinë e mirë, apo të kanë paguar biletat, hotelet, udhëtimet, veshjet, e shumë shije të tjera që ndani bashkë.
Bën mirë të na shpjegosh nëse të kanë sponsorizuar me paratë e drogës, apo me paratë e tenderave që kanë fituar pas kthimit nga udhëtimet me ty.
Bëje më mirë ti, para se ta bëjnë specialistët e OSHE, kur t’u duhet të shpjegojnë kush i ka urdhëruar për të shpallur fitues të miliona eurove, në kundërshtim me ligjin, miqtë e shtëpisë tënde. Bëje më mirë vetë. Bëje, se të ndihmon të shpëlahesh!
Postimi i Taulant Ballës
Shkelzen! Ti ke të drejtë që vazhdon leh, përderisa akoma drejtësia është mes dritës dhe errësirës dhe errësirën e kontrollon ti me tët atë! Por meqë sot dole nga strofkulla a nuk na thua, kur do shkosh në Amerikë?! Ose më saktë, pse gojet e liga thonë se nuk të japin më biletë për Amerikë as ty dhe as motrës tende, se kunatit jo e jo?!
