“Gjobvënia në Tiranë”, misioni i vetëm i Policisë së Lali Erit dhe Sandër Lleshajt

Nga Boldnews.al

Erion Veliaj ka premtuar se do ta bëj Tiranën një qytet të vështirë për makinat. Këtë premtim e ka “shitur”, si një zgjidhje për të siguruar një cilesi ajri më të mirë për kryeqytetasit.

Për të dekurajuar lëvizjet me makinë, siç thotë ai, vendosi që parkinget në të gjithë  rrugët brenda Unazës së qytetit të jenë me pagesa të larta për xhepin e qytetarëve.

Iniciativa tingëllon e mirë, nëse edhe rezultati do të ishte pozitiv dhe tiranasit do të kishin mundësi për të thithur ajër më të pastër.

Por, për fat të keq, Tirana vijon të jetë një prej qyteteve më të ndotur në Europë, sidomos për shkak të ndërtimeve pa fund që po ngrihen me firmën e “Lali Erit”, i cili premtoi se nul do të jepte leje ndërtimi.

Që të gjithë instancat policore, rrugore, të rendit, apo të Policisë Bashkiake “detyrë” kryesore kanë që të dalin rrugëve me blloqe gjobash në duar. Komisariati i Policisë Rrugore në Tiranë është kthyer si “grup i strukturuar” gjobëvënësish.

Pasi tiranasit po e kuptojnë që “qëllimi i mirë” i Lali Erit për të taksuar automjetet është i rremë, tashmë po u bëhet e qartë që “parkimet me pagesë” janë thjeshtë dhe vetëm një mënyrë për të mbushur arkat e Bashkisë së Tiranës.

LEXO EDHE  Zhduket “Gjenerali”, autori i vrasjes së Naim Zyberit/ Historia e përplasjeve mes "të fortëve"...

Inspektorët e Lalit, por edhe policët rrugorë, të Shqiponjave, Shigjetave, etj., e kanë kthyer në metodë pune “gjuetinë” për këdo që guxon të parkojë makinën, qoftë edhe për pak minuta, në zona ku gjenden tabelat “gjobvënëse të Bashkisë së Tiranës.

Çdo ditë, në çdo rrugë të Tiranës, shihet armata policore e Bashkisë së Lalit dhe atyre të Sandër Lleshajt me bllok në dorë.

Shumë prej tyre, duke marrë poza qesharake, qëndrojnë në cepa rrugicash e pallatesh, për të pritur që shoferët të gabojnë me parkimin.

Shumë qytetarë ankohen, kryesisht në rrjete sociale e në inbox-in e “Boldneës” për fushatën agresive policore për gjobitjen e makinave.

Shoferët, si çdo qytetar i Tiranës pret, shpreson dhe është i gatshëm që të kontribuojë për rritjen e cilësisë së ajrit, që ndikon drejtëpërdrejtë në cilësinë e shëndëtit të tyre.

Por lejet e ndërtimit të Lalit dhe sulmi i koordinuar Bashki-Polici, jo vetëm që nuk lejon përmirësimin e ajrit në Tiranë, por “kontribuojnë’ në përkeqësimin e buxheteve financiare të qytetarëve që kanë automjete.