Banorët e Astirit vijojnë protestat kundër një projekti që shemb ndërtesat e tyre. Banorët kanë mbi 3 muaj që protestojnë, ndërsa sot nuk kërkojnë dëmshpërblim 100 %, por anulimin e projektit të cilin e quajnë korruptiv.
Ata paralajmëruan Kryeministrin Edi Rama se nëse ai dhe autoritetet do të tentojnë të prekin pronën e tyre do të përballen me rezistencë të fortë. Ato gjithashtu në shenjë proteste kanë djegur dhe disa goma në rrugë.
Të pranishëm në këtë protestë edhe në protestën e sotme kanë qenë deputetët e opozitës, të cilët kërkuan nga qytetarët që të jenë prezent në protestën e 16 shkurtit për rrëzimin e Ramës dhe qeverisë së tij.
“Në datën 16 frenat e këtij vendi do ti marrin qytetarët”, tha deputeti i PD-së Klevis Balliu
