“Shtet përdhunues”/ Abuzimi me 16-vjeçaren, vazhdojnë protestat
Ditën e sotme në komunën e Drenasit në Kosovë, vazhdojnë protestat për rastin e ngacmimit seksual të 16-vjeçares. Protestuesit kanë dalë në rrugë me pankarta ku shkruhet:”Pro mësimit, jo përdhunimit’apo “Shtet përdhunues”.
Protestat ka nisur nga ora 12:00 deri në orën 13:30 dhe I janë bashkuar një numër I madhë qytetarësh dhe nxënës të gjimnazit”Gjergji Kastrioti Skëndërbeu”, si edhe kryetar I Komunës së Drenasit, Ramiz Lladrovic.
Në të njëjtën orë është paralajmëruar të mbahet edhe seanca e jashtëzakonshme e Kuvendit të Kosovës lidhur me ngacmimin seksual, përdhunimin dhe kryerjen e abortit të paligjshëm ndaj të miturës nga Drenasi dhe përgjegjësinë institucionale.
Nxënësja nga Drenasi ishte abuzuar nga mësuesi i saj dhe kishte shkuar në polici të denonconte ngjarjen. Por, tmerri i saj vetëm sa kishte filluar. Hetuesi Vesel Veseli kishte marrë deklaratën, e kishte fotografuar të zhveshur dhe pas ekspertizës mjekoligjore e kishte shantazhuar, që ta detyronte të kryente marrëdhënie me të.
Makthi i 16-vjeçares do të vazhdonte për një vit. Vajza mbeti shtatzënë me abuzuesin e saj, i cili e ka detyruar të abortojë në klinikën e një mjeku gjinekolog, Femi Ahmeti, në Prishtinë.
Sot, të tre këta njerëz po paguajnë faturën e veprimeve të tyre. Hetuesi 50-vjeçar u vu në pranga të martën, ndërsa ishte media kosovare “Insajderi” e cila informoi Prokurorinë për rastin e rëndë, duke vënë në lëvizje mekanizmin e drejtësisë.
Klinika e mjekut që kreu abortin është bastisur nga forcat e rendit, ndërsa kryetari i Bashkisë së Drenasit sqaroi se edhe mësuesi Shkëlzen Gjekaj është pezulluar.
