Një shqiptar është arrestuar në afërsi të Palermos pasi është kapur me 4.5 kg kokainë, raportuan këtë të premte mediat italiane.
Sipas të njëjtave burime, në pranga është vënë 32-vjeçari me iniciale S.J.. Ai ishte duke lëvizur me një automjet që është ndaluar nga policia.
Me ndihmën e një qeni anti-drogë, efektivët kanë zbuluar drogën e fshehur në një vend të krijuar enkas në automjet.
Pas zbulimit të kokainës, që sipas mediave italiane do të gjeneronte rreth 130 mijë euro nëse do të shitej, 32-vjeçari është arrestuar. /Boldnews.al/
