Numri i telefonit 50500 i “TiranaParking” është një ndër nnumrat më të njohur për shoferët në kryeqytet, të cilët nga ora 07 e mëngjesit deri në 20.00 të darkës janë të detyruar të njoftojnë përmes një mesazhi lidhur me vendndodhjen e parkimit të makinës së tyre.
Por, sikur të mos mjaftonin cmimet e larta për një orë parkim dhe labirinthin në të cilin duhet të përshkojnë për të gjetur një vend të lirë, qytetarët duhet të hasen edhe me vjedhjet para syve të tyre.
Një shofer nga qyteti i Durrësit, pasi ka gjetur një vend parkimi pranë zonës së Myslym Shyrit dhe ka dërguar mesazhin për të paguar tarifën përkatëse, është gjobitur më pas nga Policia Bashkiake. Qytetari kishte lëvizur nga vendi i parkimit vetëm pasi kishte marrë mesazhin e aprovimit, Policia Bashkiake nuk nguroi të vendoste 1000 lekë të reja gjobë., sic duket edhe në fotot e mëposhte.
Shkelje dhe abuzime të tilla nga kjo kompani nuk janë të panjohura për qytetarët e Tiranës, një metropol në zhvillim që ka ngushtuar gjithnjë e më shumë hapësirat për parkim dhe ka rritur në statosferë tarifat që duhet të paguhen për të siguruar një vend parkimi.
Përgjegjëse për këtë është jo vetëm kompania e nënkontraktuar që ka marrë përsipër menaxhimin e parkingjeve, por edhe Bashkia e Tiranës. Kjo e fundit ka trumbetuar fuqishëm ndarjen e Tiranës në zona të ndryshme parkimi dhe menaxhimin e tyre në bashkëpunim me Tirana Parking. Ajo gjithashtu parashikonte të mblidhte 450 milionë lekë vetëm nga parkimi, për vitin që lamë pas por deri më tani nuk ka dhënë asnjë shpejgim zyrtar. Të ardhurat që vijnë nga ‘gjobat’ nëpër rrugët e Tiranës janë një hije dyshimi më shumë për buxhetin e Bashkisë së Tiranës dhe menaxhimin e tij.
