Milani ishte ekipi që shpenzoi më shumë gjatë merkatos së janarit, plot 70 milionë euro për Piatek dhe Paqueta, gjithashtu kërkonin dhe një sulmues anësor por që nuk arritën dot ta siguronin. Pranë firmës ishte talenti francez Alan Seint-Maksimin, por marrëveshja nuk u arrit pasi Nice nuk arriti dot të gjente zëvendësuesin e tij.
Gjithsesi kuqezinjtë nuk kanë hequr dorë dhe po provojnë me çdo kusht ta sigurojnë në verën e ardhshme. Sipas raportimeve të fundit nga mediat italiane, drejtuesit kuqezinj priten të takohen së shpejti me kryesinë e Nices për të arritur një marrëveshje. Marrëveshja mund të kryhet për shumën e 30 milionë eurove dhe lojtari do të firmoste një parakontratë me kuqezinjte për të arritur ne Milanello menjëhere sapo të hapet merkato e verës.
Edhe pse jo ende e konfirmuar zyrtarisht, tifozët kuqezi kanë “pushtuar” Instagramin e sulmuesit, duke i uruar mirëseardhjen. Vetë 21-vjeçari francez ka postuar një foto disa çaste më vonë, me mbishkrimin: “Është thjesht çështje kohe…!” Me shumë gjasa, me hapjen e merkatos së verës, Maksimin do të jetë lojtar i Milanit.
