Krahasimi/ Teuta kalon dyfishin e pikëve, askush më keq se Skëndërbeu

Kategoria superior ka mbyllur 20 javët e para të sajë  dhe janë përvijuar disi klubet e ndara në grupe që luftojnë për objektiva të veçanta si titulli, pjesmarrës në Europë, apo mbijetesa.

Për dinamika nga më të ndryshmet, pretendimet e skuadrave  kanë ndryshuar në krahasim me një vit më parë, ashtu si edhe pikat që kanë siguruar në klasifikim pas 20 javëve të para.

Në krahasim me sezonin e kaluar, shihet qartësisht se skuadra që ka bërë hovin më të madh para është Teuta, e cila nga një skuadër mbijetese, është kthyer në një ekip i cili vazhdon të jetë në garë edhe për titullin kampion.

Kjo falë një përmirësimi të ndjeshëm të pikëve të fituara në krahasim me një sezon më parë. Vjet, në këtë pikë të sezonit ajo kishte vetëm 17 pikë, ndërsa në edicionin aktual ka 18 pikë më shumë.

Një ekip tjetër që ka një lëvizje drastike pozitive është edhe Partizani kryesues, i cili 28 pikëve të një viti më parë, u ka shtuar 15 të tjera.

LEXO EDHE  Tuchel: Më vjen keq për Cavanin por s’kam zgjidhje për të

Përmirësim me 6 pikë për Kukësin që ka ngushtuar diferencën me kreun në krahasim me vitin e kaluar, ndërsa edhe Laçi ka bërë më mirë se edicioni i kaluar me një pikë më shumë.

Sa i përket skuadrave që kanë pësuar rënie, seria prej 6 humbjesh radhazi ka bërë që Skënderbeu të regjistrojë pas 20 javësh 16 pikë më pak se një vit më parë, kur dominonte me lehtësi futbollin shqiptar. Më keq nuk ka bërë as Kamza e vendit të fundit e cila ka “vetëm” 14 pikë më pak në këtë sezon.

Negativ është edhe bilanci i Luftëtarit, me 7 pikë më pak, ndërsa edhe Flamurtari regjistron shifra problematike, pasi ka 6 pikë më pak se edicioni i kaluar i cili u mbyll me një dështim të plotë.

PËRGJIGJU

Please enter your comment!
Please enter your name here