Fermerët dhe importuesit e makinerive bujqësore nuk kanë përfituar nga heqja e TVSH e cila ka hyrë në fuqi që prej 1 janarit. Të ftuar në komisionin e Veprimtarive prodhuese grupet e interesit u shprehen në dogana ka paqartësi për listat dhe kjo ka krijuar ngërç.
“Ka një paqartësi lidhur me këtë çështje nga tatimet dhe doganat.Deri më sot kjo lehtësi që është përcaktuar në ligj nuk po zbatohet”.
“Nga Drejtoria e Përgjithshme e Doganave më është lejuar që të improtoj vetëm traktorin, me kodin MKB dhe pajisje të tjera si freza, unë i kam zhdoganuar me TVSH”.
Drejtori i Tarifave në Dogana ka sqaruar se ata zbatojnë ligjin dhe ka pranuar se ka nevojë për më shumë detajime.
Thanas Andoni Drejtor i Tarifës në Dogana: Ndoshta do të lindte nevoja që në bashkëpunim me institucionet përkatëse të detajohej akoma më konkretisht lista e makinave dhe makinerive.
Kreu i komisionit të Veprimtarive i la afat institucioneve që ta zgjidhin këtë problem brenda shkurtit.
Niko Peleshi: TVSH të përjashtohet edhe rishitësit. Këtë duhet të arrijmë, kjo të kuptohet edhe nga doganat dhe tatimet, edhe nga ministria e Financave në përgjithësi.
Heqja e TVSH-së për makineritë dhe inputet bujqësore u bë me synimin për të stimuluar zhvillimin e bujqësisë në vend. /Ora News/
