Besim Hajdarmataj, ish/drejtues i Prokurorisë së Krimeve të Rënda, ka aplikuar për anëtar të SPAK.
Hajdarmataj është aplikanti i 13 për strukturën që pritet të krijohet dhe që synon të luftojë korrupsionin në të gjitha nivelet, si dhe të hetojë zyrtarët e nivelit të lartë.
Kjo strukturë do të ketë në përbërje 15 prokurorë, ndërkohë që shumë prej aplikantëve nuk i janë nënshtruar ende proçesit të Vettingut.
Hajdarmataj ka drejtuar Prokurorinë e Krimeve të Rënda, por pas marrjes së detyrës së Kryeprokurores nga Arta Marku ai u transferua si prokuror në Pogradec. Vendimi i Markut u rrëzua nga Gjykata, ndërsa Hajdarmataj u rikthye si prokuror te Krimet e Rënda.
