Te “Unaza e Re” në kryeqytet po zhvillohet këtë pasdite dita e 94 e protestës. Banorët kërkojnë anulimin e projektit për rikonstruksionin e rrugës nga sheshi “Shqiponja” te mbikalimi pranë “pallatit me shigjeta”.
Në mbështetje të protestës ishin edhe deputetët të opozitës.
Deputeti Klevis Balliu, duke u ndaluar te deklaratat e ministres së Infrastukturës Belinda Balluku, u shpreh se, ajo duhet të kishte kërkuar nga prokuroria arrestimet e personave përgjigjes për këtë projekt, sipas tij i korruptuar.
“Unaza”/ Ministrja Balluku: Do vazhdojmë shembjet e banesave, projekti nuk anulohet!
“Besoj sot e ndoqët ministren kur foli për një projekt ku është i përfshirë një narkotrafikant, ku media ndërkombëtare e ka nxjerrë fantazmë me pronar Kasperin, se se dime kush e ka, te një projekit ku u urdhërua nga kryeministri të dhunohen qytetarët. Kjo del pa pikë turpi dhe thotë ‘do bëjmë nja dy ndryshime të vogla’. Moj zonjë duhet të kërkosh nga prokuroria që të arrestoje personat e korruptuar”, tha Balliu.
Ligjvënësi demokrat bëri thirrje për pjesëmarrje në protestën e 16 shkurtit e thirrur nga opozita pra kryeministrisë.
“Protestoni jo për partitë politike por për të drejtat tuaja”, apeloi ai. /Boldnews.al/
