Para dy ditësh Kuvendi i Republikës së Kosovës votoi Statutin e ri për Trepçën, por sot, zëdhënësja e Komisionit Evropian, Maja Kocijancic, në një përgjigje për “Tanjug”, ka thënë se të gjitha çështjet e pazgjidhura ndërmjet dy shteteve duhet të zgjidhen vetëm nëpërmjet dialogut mes Prishtinës dhe Beogradit në Bruksel, duke përfshirë dhe çështjen e Trepçës që Kosova kishte refuzuar ta vinte në diskutim në dialogun e Brukselit.
“Bashkimi Evropian si ndërmjetësues i dialogut, ka për qëllim që të gjitha çështjet e hapura ndërmjet dy shteteve, t’i zgjidhë nëpërmjet një marrëveshje gjithëpërfshirëse për normalizimin e raporteve ndërmjet Beogradit dhe Prishtinës”, ka thënë Kocijancic.
Ajo, gjithashtu, ka thënë se Bashkimi Evropian pret që Kosova të pezullojë vendimin për taksën, që do të mundësonte një kthim të shpejtë në dialogun e Brukselit.
