Më 16 shkurt do t’i japim vendit rrugëdaljen politike, nëpërmjet krijimit të një qeverie kalimtare që do të përgatisë zgjedhjet e parakohshme parlamentare.Deklarata është bërë nga kreu democrat Lulzim Basha gjatë mitingut të zhvilluar në Krujë me mbështetës të opozitës.
Basha theksoi se dosjet e e prokurorisë, të publikuara nga Zëri i Amerikës, vërtetojnë se Edi Rama, nuk është kryeministër i qytetarëve shqiptarë, por është kryeministër i votave të vjedhura, kryeministër i bandave, kryeministër i oligarkëve.
“Punësimi dhe mirëqenia e shqiptarëve janë prioriteti numër 1 për PD dhe për Lulzim Bashën. Ne i kemi zgjidhjet për ju dhe jemi gati t’i vëmë këto zgjidhje në punë që prej ditës së parë.
45% e familjeve shqiptare jetojnë me më pak se 5 mijë lek të vjetra në ditë. Në 5 vjet Edi Rama u ka marrë shqiptarëve 2 miliardë euro taksa më shumë, por i ka vjedhur pa i kthyer në shërbime për shqiptarët.
Ky është epitafi i Rilindjes: grabit shumicën e shqiptarëve, që të pasurojë një grusht oligarkësh dhe kriminelësh. Shqiptarët po e pohojnë kudo me zë të lartë: kjo qeveri nuk i përfaqëson më.
Banda që qeveris sot në Krujë dhe Shqipëri ka detyruar largimin e 1/3-ës së popullsisë së Krujës. Alternativa europiane e PD është të rikthejë shpresën dhe besimin, duke hapur vende pune me kushte dhe paga dinjitoze.
Ne i kemi zgjidhjet. Miliardat që sot merr Rama me 4-5 oligarkë ne do t’i çojmë për rritjen e pagave, pensioneve për uljen e çmimit të naftës me 300 lek/litër, me uljen e çmimit të energjisë dhe taksave për biznesin.
Ka ardhur dita të bashkohemi njësoj si 500 vjet më parë, kur një qytet i vogël i qëndroi fuqisë më të madhe të kohës. Kauza jonë është e drejtë dhe ne do të luftojmë së bashku për të.
Nuk ka më mjete për ta zgjidhur politikisht krizën. Është fare e qartë se koha e fjalëve ka mbaruar. Ka ardhur koha të merrni në dorë fatin tuaj!. Ejani, me 16 shkurt ta rrëzojmë regjimin e banditëve”, tha Basha.
