Djali i një prej njerëzve më të pushtetshëm në botë, George Soros, Alex Soros, është parë gjatë fundjavës që lamë pas në ambjentet e Hotel Plazae duke drekuar me drejtorin e Fondacionit për Shoqëri të Hapur në Shqipëri, Andi Dobrusha.
Por, fondacioni dhe turizmi pa dyshim që nuk kanë qenë arsyeja e vërtetë e vizitës së tij në Tiranë. Hera e fundit që Alex Soros ishte pikërisht përpara dy muajve, një koincidencë e çuditshme që përkon me aktualitetin shqiptar dhe marrëdhëniet lidhur me çështjen e Kosovës.
Përpjekja e dështuar e dyshes Rama-Veliaj për të mbuluar ‘luftën’ e heshtur mes tyre, krejtësisht e dukshme në të gjitha daljet e tyre sëbashku në ekran, me sa duket ka detyruar Sorosin të rivendos ‘rregullin’ me duart e tij.
Nga ana tjetër Kosova ka qenë prej kohësh një çështje delikate për familjen Soros, për sas kohë që njihen për marrëdhëniet e ngushta me Hashim Thacin dhe ndërhyrjet strategjike të herëpasherëshme në cështjet e brendshme të Kosovës duke mos e fshehur asnjëherë hezitimin për të kundërshtuar ndarjen e Kosovës. Dhe debati për ndarjen e kufinjve të Kosovës nuk mund të kalojë pa marrë vëmendjen e familjes Soros, që në retrospektivë, mund të merret me mend se ka qenë dirigjentja e gjitha zhvillimeve të 3 ditëve të fundit mes Kosovës dhe Shqipërisë.
Dreka e Kryeministrit Rama me drejtuesit e lartë të Kosovës, më pas largimi i Thacit drejt SHBA-ve dhe vizita e vetë Alex Sorosit në Tiranë, është gjithësesi një re e madhe dyshimi se në politikën shqiptare do të priten furtuna. /Boldnews.al/
